****
أنت يلّي بالحبّ مسطول
راكض ورا الوردة والهديّـة
شكلك رايــح بالعرض والطول
ومبسوطة فيك ... الصبيّة
عندا شبّ معبّا تيابو
ولازم تتعبّا جيابـو
يبيع الدني كرمالها
ومالو يكون مالها
هيدا الأهم بالحب اليوم
المادّة والمظاهر وطق الحنك
من بعدا عالفايسبوك ألبوم
صور وبوزات ونظرة نحو الفلك
سألت؛
وين القيم والحنان
وين الحب والأمان
وين الإخلاص والتضحية
جاوبوني ؛
شو عم تحكي يا خييّ؟
***
القصة كتير غريبة
ما عاد في إلتزام
اليوم معك الحبيبة
بكرا بتهرب... هريبة
بس تسأل عالسبب
بتقلّك راح الحبّ
بوجّك بتكبّ الدبب
وبتلعن ساعة عيد الحبّ
***
يا خييّ ليش ملبّك
القصّة منا صعبة
حطّ إيدك ع قلبك
كتير هيّنة اللعبة
الحب يعني إلتزام
وفا واحترام كمان
وبدّك تعرف تمام
إنو إنتا مش سوبرمان
القصة كتير غريبة
ما عاد في إلتزام
اليوم معك الحبيبة
بكرا بتهرب... هريبة
بس تسأل عالسبب
بتقلّك راح الحبّ
بوجّك بتكبّ الدبب
وبتلعن ساعة عيد الحبّ
***
يا خييّ ليش ملبّك
القصّة منا صعبة
حطّ إيدك ع قلبك
كتير هيّنة اللعبة
الحب يعني إلتزام
وفا واحترام كمان
وبدّك تعرف تمام
إنو إنتا مش سوبرمان
ولكلّ عشيقين؛
تذكروا هالكلمتين
كل يوم هوي عيد الحب
مش بس
بالفالينتايـــن
--------
ملاحظة هامّة ؛
نبيع شعر على الطلب
السعر عالسطر أو بالدهب
مع كل شعر دب ببلاش
ومع كل وردة رصاصة رشاش
نبيع شعر على الطلب
السعر عالسطر أو بالدهب
مع كل شعر دب ببلاش
ومع كل وردة رصاصة رشاش
(2010 - 2018)
All Rights Reserved ©
No comments:
Post a Comment