ما بحياتي شايف شعب حقود أو غيّور قد بعض اللبنانيين بحق حالن. يلي عم ينتقد هبى طوجي ومشاركتها ببرنامج فرنسي ... شو المطلوب ؟؟ نضل بلد يصدّر إرهاب وقرف ويحذّروا من السفر لعنّا ؟ أو مطلوب نضل نندب بحالنا ونلعن الساعة اللي خلقنا فيها بلبنان ؟؟؟؟ وين المشكلة لمّا صبيّة لبنانية ترفع إسم لبنان ويزقفّولها أكبر الفنانين بهالمجال !؟ وإذا كانت فنانة محترفة ببلدها ؟؟ منحرمها موهبتها ؟؟ ولو كان يلي عم تعملو ضد البرنامج وقواعدو ما كنا شفناها هونيك أصلاً !!!!
بتعرفوا شو المشكلة الحقيقية يا جماعة ؟؟
نحنا ناس سادييّن منحبّ التعذيب ومنحبّ جلد الذات ومنزعل لنجاح غيرنا اذا كان لبناني وكل شي فرنجي برنجي !!!
شاطرين بالنق والحكي والانتقاد ... لو منبلّش بتغيير الطبقة السياسية قبل التنظير عالناس شو كان أحسن ....
معك حق يا جبران خليل جبران "ما في نبي مكرّم ببلدو " لو كنت بقيت انت بلبنان كمان ما كان حتى عملولك متحف.
هنيئاً لكم يا من رحلتم عن أرضنا ... فظلم ذوي القربى أشدّ قساوةً.
